Verse of the day
Mawh kheu nan Siyiex hoik yaog tix kieh Nawh ting mai tawx ceu kaux pa nie lheu blon ting lhaong khaing can ceu kaux khawmuik ka Nawh heue. Ngawng ku ngawng tak sang grux ngawng ka daux ceu kaux Yesux, can pa koe ka daux meung raoma ang ah, ka piang haktiex ang ah, ka greem haktiex ang ah, Dak ku dak tak sang kham grawng Yesux Khrit mawh Simiang, sonsang mawh min pakngai ka Keeing Siyiex heue.
Lai Philippix 2:9Chix ti teei riang tix plak ju khuan ka Lox Sidiex
Rieb hoek toek bleeh ka ex ku kaux pa laig rhawm ti jhak ka biang bhaung heue.
In mawh pakngai lai biang bhaung son ceu pui Vax heue. Pakngai lai biang bhaung in, mawh sonsang haokhuan ceu pui Vax ku plak ku blawng mai sonsang pon priex khrawm ka ngailai, been yungyi, lox sikah, buagpua ceu pui Vax mai krax ot grawng koe ceu pui Vax heue.
Ex pon tawng grawng ceu pui Vax, grawng satsana Vax, grawng kaing yuh Numli Vax, can kaing yuh baux veng khankix mai kaing tang ceu pa koe ka daux ceu pui Vax khankix ka daux pakngai lai biang bhaung in heue.
Ka daux ex ceu pui Vax pakngai lai biang bhaung ang nyang koe plak lox lai ceu pui Vax tix ceu kawx heue. Mawh kheu nan, ex tom coca ti yuh mai sau plak lox lai Vax, son ang lox sikah mai ceu pui ex grai ti ngaix sax heue.
